22.4.05

Vúhú, ég vann! 61 % fylgi. Nú er það bara óvissuferð, stjórnarskipti og allt að gerast.
Svo þarf að láta verkin tala á næstu önn og breyta mætingarkerfinu, ekki gleyma loforðunum, nei ónei!
Roosevelt, Japanir og nasistar, sögutími í H5.
Jabb, kosningabaráttan búin og gekk, að ég held, ágætlega. Hápunkturinn var þó án efa ræðan. Stressið tók yfirhöndina, sviðið varð sleipt undir fótum mér og röddin brást. Það sem verra var, sjónin brást líka og heyrnin. Ég heyrði ekkert, hélt þar af leiðandi að enginn hefði klappað neitt. Það var vond tilfinning. Eini maðurinn sem ég sá var Jón Már, aðrir voru í móðu, þannig að ég horfði bara á hann meðan ég sagði hversu slæmt mætingarkerfið er. Kosningavakan á eftir kl. 15.00, ekki laust við að það sé kominn hnútur í magann!
Þessar myndir komu við sögu í kosningabaráttunni.

14.4.05

Jæja, Birtingarblaðið farið í prentun. Tók lengri tíma og meira á taugarnar en búist var við, ég er eiginlega alveg brjáluð.
Þremur viðtölum kippt út vegna fjárskorts og eitt stytt um helming. En maður verður víst að venjast því að það er ekki á allt kosið né alla treystandi. Bitur, já. Nú spila Hljómar í eyrað á mér: "Margir kvarta og kveina, en ef kannski þeir reyna, þá er lífið létt..." Vúhú.
Ég er geðvond og lasin. Má líka ekki éta neitt, eða, ekki; ger, sykur og hvítt hveiti. Sem þýðir að það sætasta sem ég borða eru nokkrar rúsínur út á bragðlausan hafragraut, má ekki einu sinni borða nema smá af ávöxtum útaf ávaxtasykrinum. Búhú. Jæja, þetta mun aðeins standa yfir í um hálft ár eða svo. Helvítis Candida sýking.
Helgi tók myndir af mér á þriðjudaginn, það var magnað. Vona að þær komi vel út, þarf að fara að gera einhver hallæris slagorð og semja ræðu. Já, þetta er gaman. Ætla að fara að einbeita mér að Family guy.